Smelltu fyrir stærri mynd

Sú listgrein sem George Orwell lagði mesta rækt við var að skrifa ritgerðir þar sem hann hugsar frjálslega í rituðu máli um stjórnmál, bókmenntir, froskdýr, jólin, varðelda, kvöldklæðnað, ókurteisi, enska matargerð, enska veðráttu, tóbaksbúðir, drengjablöð, hengingaraðferðir, vináttulandsleiki, vorkomuna, að pissa undir, húsnæði og skipulag íbúðahverfa, verðsamanburð á vindlingum og bókum, fyrirmyndarpöbbinn, skotgrafahernað, valdadýrkun, friðarsinna, hrylling tilverunnar, kennara, lífsleiða, ljúfengt te, einkaskóla, ævisögur, starfskjör ritdómara, ensk morð, skemmtigarða og heilsulindir, hungursneyð, blóm og trjágróður, hlutlæga blaðamennsku og forneskjulegar lækningaaðferðir svo eitthvað sé nefnt. Mikilvægi ritgerða, líkt og vægi frjálsrar hugsunar, munu fáir neita, en oft hefur hún fallið í skugga skáldsögunnar sem notið hefur meiri lýðhylli.